Dins l'encastre del Festival Occitania, vos prepausam una sera « musica occitana actuala » amb Rodín e Louie Z, tot aquò al cabaret Le 9 a Tolosa lo divendres 25 d'octobre a 21o.

Prevenda : 10€ / 12€ sus HelloAsso
Sus plaça : 12€ / 14€

Rodín : « Son enfança viatjarèla, Marròc, Egipte e Liban, l’an rendut poliglòt e curiós deis autres e de sei culturas.
Es marcat per lei musicians gnauà, embé quau son paire enregistra una musica ibrida e electronica.
Au Caire pren lo hip-hop en plena cara e monta una còla de DJ. Es a Beirot que paradoxalament descuerbe la musica occitana.
De retorn a Marselha rejonhe lo Còr de la Plana en 2001. Au sen dau còr polifonic e percussiu rodín traversa doas decennias pontuadas de tres albums e de concèrts internationaus dins de festenaus e de salas prestigiosas (Womad, Olympia, Carnegie Hall… )
En 2013, rodín monta lo label Pantais Recòrds per produrre un promier single: Indignats, en duò embé Citizen Chance, rappaire de Brooklyn.
Son promier album solo Pantais Clus sortís en 2021 sus lo label american Fake Four Inc. Aquesta annada rodín sortirà 4 singles, dont un en collaboracion embé an Illustrated Mess, duò navajo d’Arizona, e 2 clips realisats per Amic Bedel de Piget FILMS.
En decembre de 2022, ai Trans Musicales de Rennes rodín presènta lei promiers tròç de son novèu repertòri, PEREU. Se'n seguisson d'unei mes de creacion, e l’enregistrament de l’abum eponime a Malhòrca, que la sortida n'es prevista per 2025. »

Louie Z : « Après aver viscut dins lo còs d'un rockaire, d'un poëta descasut, d'una arma extraviada, Louis Pezet apareis jol nom de LOUIE Z, son avatar pòp nòu.
Aqueste novel projecte solo, nascut a la debuta de l'annada 2024, cerca de menar lo public dins un luòc pauc comun, ont se mesclan musica tornadissa, cant autotunat, delay infinits e lenga occitana. »