Dins l'encastre del Festival Occitania, l'IEO 31 e La Tuta d'Òc vos convidan per descobrir l'òbra de Daidièr Mir, Leis Inaudibles.
Daidièr Mir es un artista plastician d’expression occitana. Autor, gravaire pintre e fotograf.

« Lo 7 de junh de 1974, l’armada francesa vueja lo vilatge de Bròve (Var) de sos abitants. Leis Inaudibles es un obratge caleïdoscopic que multiplica lei ponchs de vista e lei biais de dire aquela istòria. L’autor sortís de son experiéncia pròpria e se’n va al rescontre dels estajants expropriats e dels artistas qu’assagèron de s’opausar au projècte. D. Mir parla en son nom pròpri sota fòrma de d’assag, de novèlas ò de critica de filmes, mas tanben alanda sas paginas als testimoniatges dels actors d’aquest drama. Aicí l’intime exprimís l’universal, lo passat se conjuga alpresent e al futur. »