Centre Occitan Rocaguda (Albi)
28 rue Rochegude 81000 Albi
Dempuèi 2010, l’associacion IEO Centre Cultural Occitan de l'Albigés (CCOA) ocupa l’ala drecha de l’Ostal Ròcaguda, al 28 de la carrièra Ròcaguda a Albi.
Aquel luòc atenent al Pargue Ròcaguda èra l’Ostal particular de l’Amiral de Ròcaguda. Enric-Pascal de Ròcaguda es una de las figuras de la vila d’Albi, a l’encòp marin, òme de letras e erudit del sègle XVIII.
A son installacion, lo CCOA donèt alara lo nom de Centre Occitan Ròcaguda (lo COR) a son local. L’associacion faguèt, en seguida, un grand trabalh de recèrca sul personatge, que daissèt tanben d’escriches en lenga occitana.
Lo Centre Occitan Ròcaguda es a l’encòp un luòc d’exposicion, una librariá, una bibliotèca/centre de ressorgas, e un luòc d’acuèlh d’animacion e d’accion culturala de tota mena.