Telenn a zo o aozañ he marc'had artizanel Breizh bloaziek. D'ar Sul 26 a viz Mae e vo aozet ur march'ad gant artizaned hag arzourien eus ar Vro evit Gouel Breizh. Ar bloaz-mañ an darvoud a vo lec'hiet e-kichen al lezvarn e Park ar Pourmenadennoù. Ar marc'had a vo buhezet gant darvoudoù evel ar genstrivadeg paledoù aozet gant Diwan Sant-Brieg, un arvest straed evit gouel Meliaj aozet gant Kenleur, un diskouez gouren a vo aozet ivez gant Skol Gouren Sant-Brieg hag unan evit ar penn-baz gant ar gevredigezh Avé les Bretteurs. Neuze, emgav d'ar 26 a viz Mae etre 11e ha 6e noz evit tremen un devezh leun a blijadur o tizoloiñ pinvidigezh talantoù an artizaned hag arzourien eus Breizh.