Toei nivèus a levar dei debutaires

Lei tresòrs de la melodia occitana, en tafurant per lo repertòri dei cants reculhits dempuèi lo sègle XIX fins au sègle XXI. Per una monodia dei país d’Òc de l’avenidor !

Gràcia ais òbras e enquistas dei vint darnièreis annadas subre leis especificitats de la monodia occitana, si pòu vuèi far lo racònte d’una autra istòria de nòstrei musicas, tant coma nos cònton lei tèxtes d’aquelei cants una autra istòria populàra dei societats dei país d’Òc. Es a la descubèrta dau dire e dau cantar d’aquèsta istòria alternativa que nos convidon lo Mànu Terron e lo Damian Toumi, en explorar de cansons e de melodias dau relàrg culturau occitan tot entièr.

La jornada dan dissabte 19 : de 10 a 13 oras puèi de 15 a 18 oras . Dinar tirat de la biassa

Rescaufament corporau e vocau per lo Damian Toumi : alen e sosten de grope, dins lo trabalh individuau de l’expiracion estirada, leis apuegs, lei consonas. Puèi lo Mànu endralharà leis estajants sus lei caracteristicas dau trabalh armonic, en formacions premièr pichòtas, puèi grandas, per faire comprendre leis intervalas, sa natura e son espandiment dins l’entendament deis armonicas. Descubèrta dei repertòris escrichs : Lambert, Arbaud, Hourcade. Lei cants estudiats saràn tirats deis enquistas d’aquelei très remiradors inspirats dei patrimònis populars. Trabalh en gropes pichòts emé cada mèstre d’estatge, puèi emé totei dós ensem, per jónher una propausicion colectiva de polifonia. Un vò dós d’aquelei cants podràn èstre interpretats lo sera au concèrt dau duò.

La jornada dan diminge 20 : de 10 a 13 oras puèi de 15 a 18 oras . Dinar tirat de la biassa

Rescaufament vocau per lo Mànu Terron, trabalh subre la coordinacion en grope, emé d’exercícis ritmics e poli-ritmics, descubèrta d’unei ligams entre ritme e còrs que passon pas per la dansa. Lo Damian Toumi apondrà la sieuna emé un trabalh subre lei ressonadors e l’armonia, partent de la vocalisacion. Puèi la jornada si despartirà entre l’entendament dei enregistraments de terren, leis inspiracions que provòcon e lei caracteristicas melodicas dei cants estudiats. A la lutz d’aquesteis moments d’escota, si tornara cantar lo repertòri de la velha, e s’inventaràn a-de-nòu lei melodias, si definiràn lei mòdes e lei mòdas, leis estiles e lei façons. Au sortir d’aquelei doei jornadas intensivas, un moment de revision generala e d’enregistraments saràn prepausats, cu saup, dins lo cantar d’un apero generau !

Adesion obligatòria entà participar a l’estagi

Tarifas adesions : 10€ / 5€ minimas sociaus

Ligam adesion : https://www.helloasso.com/associations/la-compagnie-du-lamparo/adhesions/adhesion-la-compagnie-du-lamparo-2024

Inscripcions : https://www.helloasso.com/associations/la-compagnie-du-lamparo/evenements/stage-de-chant-occitan-d-aujourd-hui

Tarifa plena : 90 € les dós jorns vò 50 € la jornada

Tarifa redusida : (beneficiaris dei minimaux sociaus) : 75€ lei dós jorns vò 55€ la jornada