PRESENTACION

De 1971 a 1986, Catherine Bonafé foguèt l’una de las actrises magèrs (de tot punt de vista) de l'aventura del Théâtre de la Carrièra. Una istòria revisitada a la primièra persona dins son obratge Résurgence paregut en 2023 e que vos propausam de descobrir lo temps d'una serada.

Lo raconte de Catherine Bonafé serà mes en valor pel dialòg entre l'autora e una autra femna de teatre, Isabèla François.

En aquela annada de cinquantenari, l'un dels nòstres primièrs rdv de l'annada de 2025 serà tanben l'escasença de tornar descobrir qualques unas de las nòstras pèças patrimonialas relativas al Théâtre de la Carrièra, tan coma l'exposicion Jòga !

INFORMACIONS PRACTICAS

Lo dijòus 13/02 a 18h30 a la Mediatèca occitana (CIRDOC - Besièrs)
1 bis Bd Du Guesclin, 34500 Besièrs.
Inscripcion conselhada : 04 67 11 85 13 / secretariat@oc-cultura.eu