Concors de novèlas en occitan (e en francés tanben) fins al 19 de febrièr
Lo Lector del Val (associacion de las bibliotècas de Lauragués), organiza un concors d'escritura en occitan (e en francés), dobèrt a totes, e que comença per una frasa impausada.
27 octobre 2025 - 19 février 2026
lecteur du val
"Dins la bóstia de las letras, un papieròt : rendètz-vos a l’estacion de metrò de Ramonvila."
Escrivètz la seguida !
Las bibliotècas del Lector del Val (associacion de bibliotècas de Lauragués / sud-èst tolosan) organizan lor XIIen concors de novèlas en occitan, dobèrt a Itotes e a gratís, fins al 19 de febrièr de 2026.
Lo concors prepausa quatre categorias : primàri, segondàri, licèus, adults (los tèxtes collectius son permeses se fan partida de l’ensenhament d’una classa tota). Lo tèxte deu necessariament començar amb la frasa çai-sus. Lo genre demòra liure : fantastic, policièr, sciéncia-ficcion, istoric, romanèsc, aventura, etc… o pas brica de genre que siá.
Totas las variantas de la Lenga d’Òc son planvengudas, a carga pel participant de passar l’incipit dins son dialècte pròpi.
Se pòt tanben participar en francés, a partir de la frasa : "Dans la boîte aux lettres, un simple mot : rendez-vous à la station de métro de Ramonville."
La remesa dels prèmis se debanarà lo 6 de junh de 2026 a la mediatèca de Ramonvila e la remesa dels recuèlhs de novèlas als autors es prevista per la dintrada (septembre-octobre) de 2026. Un CD audiò de tèxtes occitans causits per la jurada serà fargat en mai de l’edicion del libre.
Per mai d'entresenhas o per obténer lo reglament : info@lecteurduval.org
o sus la pagina : https://www.lecteurduval.org/310-concours-nouvelles.html.
