A l'escasença de la Fèsta Occitana de Senta Gabèla organizada per l'associacion Caminòc e lo Sindicat d'Iniciativa de Senta Gabèla, e dins l'encastre del Festival Occitania, vos prepausam de descobrir Coquelicot de Fogo, sus la plaça de l'ostal de comuna de Senta Gabèla lo dimenge 6 d'octobre a 14o.

« Tan coma la rosèla de fuòc Californian florís après los incendis, Coquelicot de Fogo nais de las cendras de Mara des Bois amb lo despart de Marion e l'arribada de Victoire. Coma abans, Occitania fringa amb Brasil en tot bifurcar per d'autres parçans. Coma abans, son doas votzes que se mesclan sus las nòtas de l'acordeon, del violon e de las percussions qu'acompanhan vòstres passes dins la dança, per un bal tradicional que se mèscla de fòlk e de forró. Entre sensibilitat dolça e energia petejanta, desvelhetz vòstres senses : la vivacitat de la roja rosèla fènis es al rendètz-vos per afogar la pista ! »
Victoire Zebrowski : Cant, acordeon & percussions
Sarah Zaphé : Cant, violon & percussions