Organizat peth Ostau Comengés, eth hestau Passa-Pòrts qu’exista despuish 2004 e que’s passa despuish 2022 a Sent Gaudenç.
Que s’adrèça aths Occitans de soca o d’adopcion, aths que parlan era lenga d’òc un peishic, fòrça, passionament, coma pècs o bric. Enguan, qu’acuelhem eth Perigòrd (Mena Bruch), eth Lengadòc (Peldrút), era Gasconha (Toti tres), sense desbrembar era musica classica, dab eth duo Acrylis.
Passa-Pòrts, qu’ei tanben era Jornada deths Gafets, ara quala participaràn 300 collegians et liceans.
Passa-Pòrts qu’ei sustot ua hèsta on eth public ei convidat a èster actor arren- contra dab autors o realizators, lecturas, estagis, caminada pera vila, cantada…
Entà acabar, un brave mercés aths nòstis partenaris entara sua ajuda, ath public pera sua fidelitat e aths benevòles pera sua disponibilitat.

Bona hèsta occitana a totis !