Dins l'encastre del Festival Occitania, Christophe Calmettes ven jogar son espectacle Un tròç de camin, adaptat de l'òbre de Joan Bodon en 2022, lo dimècres 9 d'octobre a 19o30 a la Sala San-Subra a Tolosa. En partenariat amb la seccion d'occitan de l'unversitat Tolosa II Joan Jaurès.

"Amic, escrivi per tu al lum d’una paura lampa sus una fuèlha de papièr d’escòla. Te coneisserai pas jamai, probable, mas pr’aquò te vòli contar la miá vida, una tràcia de vida."

« Adaptacion teatrala, en lenga occitana, de las doas primièras partidas del roman de Joan Bodon « La Grava sul camin » (1956).

La Grava sul camin : Dins aquela auto-ficcion de 1956, Joan Bodon conta sas annadas de trabalh forçat en Silesia pel S.T.O.. Aquela experiéncia, ne fa la d'Henri Savinhac. De retorn en cò sieu, dins Roèrgue despietadós de l'aprèp-guèrra, lo nòstre eròi, suspècte als uèlhs dels autres, se tròba immergit dins una situacion de misèria tan materiala qu'afectiva.

Christophe Calmettes, acompanhat de Muriel Vernières pel trabalh de la lenga occitana e la dramaturgia de l'òbra de Bodon, signa l'adaptacion e la mesa en scèna. »