Pel Festival Occitania, lo musicaire e comedian Florant Mercadier ven jogar son espectacle Occitania pels nuls lo 4 d'octobre a 20o30 a Blanhac.
En partenariat amb l'associacion Chants Libres.
« Sabiatz que los Trobadors avián inventat lo rap ? Sabiatz que lo vilatge de Marzàs foguèt destruit per un boc e una poma ? Sabiatz que l’autor del « Se canta » èra un fòl ? E subretot, sabiatz que tot çò que venèm de dire es vertadièr !? Amb sa musica, son umor (e una bona dòsi de marrida Fe), lo Florant Mercadier conta l’istòria d’Occitania, la pichona e la granda. Mas promés, jurat, tot es autentic. Veiretz pas mai los vòstres manuals d’istòria del meteis biais !
Posant dins sas raices occitanas e dins sos viatges a travèrs lo monde, lo Florant Mercadier inventa d’istòrias d’imaginari mestissat e d’umor irresistible… »