Rencontre literari amb Jòrdi Peladan
Lo polàr dins una dralha occitana
Saturday 6 December 2025, 15:00Passed
Présentation du livre :
Bruga, feuse e genèsta
Es en Cevena aqueste còp e a l’entorn del Pargue Nacional que la sobrepolida e petejanta detectiva Margarida Cercamond e son luoctenent menan l’enquista. Lor caldrà furgar al mitan d’una comunautat de Ipís, de borruts coma se dison dins lo país, d’un « neò-cevenòl » que viu en salvatge dins lo mas de familha, d’un ancian rasetaire vengut alcoolic e borrèl d’ostal, de son amic caçaire de singlars e de ben d’autres. Rescontraràn dins son barrutlatge la regenta del vilatge apassionada de botanica, una anciana actritz de cinemà X venguda cabrièira e de ben entendut trobaràn sus sa rota lo comissari Pepichòt, son segond l’inspector Gaspard e las doas policièiras, Bregida e Anhès. Tot aquel monde dins un decòr espectaclós de valats de sèrres e de castanhièrs
--
Jòrdi PELADAN es nascut lo 20 de mai de 1938 a Alès d’una familha cevenòla. Demòra a Nimes mas a servat l’ostal pairal, un mas perdut de la Cevena. A ensenhat las matematicas a l’Universitat de Montpelhièr. Diplomat d’occitan, ensenha aquela lenga dins los talhièrs de la Marpoc, que n’es estat President una brava passa, e al Cadref de Nimes e Alès. Membre de l’I.E.O. Faguèt partida del Conselh ’Administracion e foguèt president de la seccion Lengadòc. Es tanben vici-President de la Marpoc, de l’I.E.O. De Gard e del CAOC occitan.
Ostal de la Sava al Toch
ostausavatoch@orange.fr
06 82 22 21 19
rencontre, literari, occitan
