Dins l'encastre de la Prima dels poètas, lo CineÒc vos convida Du côté de Germont, a l'ostal de Marcela Delpastre. Un documentari ont la camera se convida en çò de la poetessa, al moment que son ostal es vendut e va pèrdre tota traça de sa preséncia.
Lo realizator Renaud Fély encontra los diferents testimònis de la vida e de l'art d'aquela creatritz singulara.

La sesilha sera seguida d'escambis amb lo public, en preséncia del realizator, e d'un aperitiu convivial.

Documentari en occitan sostitulat francés, 57 min, 2024.