Ur weladenn heñchet eus diskouezadeg Buzudel hag a c'hell bezañ gwelet e Ti ar Vro abaoe an 8 a viz Ebrel ha betek an 31 a viz Mae a zo kinniget deoc'h gant al luc'hskeudennerez ha kazetennerez dizalc'h Jérômine Derigny. Aet eo bet gant ar maout gant an diskouezadeg Buzudel evit "divroadeg Breizh" eus Sevenadurioù Breizh. Dont a raio e Ti ar Vro a-benn komz eus he labour ha penaos he deus savet an diskoueazadeg-se. Un digarez evit dont da zizoloiñ pe zizoloiñ en-dro an diskouezadeg o eskemmañ gant an arzourez. M'ho peus c'hoant da c'houzout muioc'h diwar he labour, gallout a rit klikañ war al liamm-se https://www.collectifargos.com/Reporter/jeromine-derigny/ . Kemer a raio perzh ivez e-barzh Photofestival Sant-Brieg.