Un atalier dañs round a vo buhezet gant Claude-Max Jacob ha dañserien ha kanerien (Hélène, Nelly ha Jean-Yves) eus ar gevredigezh Tud ar Vro - Bro Leon, d'ar Sul 20 a viz Here eus 2e g.m da 5e30 g.m e Ti ar Vro Sant-Brieg, 138 straed al Lege. An dud a vo ambrouget e-barzh an dañs round, e-lec'h ma vez respontet gant an dañserien d'ar c'han kroget gant ar penndañser (e brezhoneg pe e galleg). Dañs round a vez dañset war aod norzh Penn ar Bed (Leon) eus Plougerne betek Plouneour-Traezh o tremen dre Gwiseni, Kerlouan ha Brignogan. Dañsoù all eus Bro Leon a vo kanet ha dañset e-pad an abardaevezh ivez (Dañs Leon-piler, lann-gavotten Goueled-Leon...).