TI AR VRO A ZIGOR E ZORIOÙ DEOC’H !

Deuit da gejañ ganeomp d'ar sadorn 5 a viz Gwengolo adalek 2e00 gm e Ti ar Vro evit Forum kentañ e gevredigezhioù.

Ar c'hentelioù brezhoneg ha kan kinniget gant ar gevredigezh Emglev Bro Gwened, ha reoù akordeoñs kinniget gant Diato Folies a grogo e-korf sizhun an 21 a viz Gwengolo 2020.

Ar maread laouen-mañ a roio tu da izili ar bloavezhioù tremenet d'en em adkavout, ha da adkavout o c'helennerien ivez.
Pep hini a c’hello emezelañ ha lakaat e anv evit ar gentel a garo.

Ar re a zo en o soñj kregiñ gant ar brezhoneg, pe gant ar c’han pe gant an akordeoñs a vo tu dezho ober anaoudegezh gant pep kevredigezh ha tapout an holl titouroù pouezus araok en em enskrivañ.

Titouroù war ar c’hentelioù :

• KENTELIOÙ AKORDEOÑS gant DIATO FOLIES (Goulven Saout et Alain Langlois)
• KENTELIOÙ BREZHONEG gant EMGLEV BRO GWENED (Ronan Boucher, Paskael Durand, Fañch Jestin et Anne-Claire Quiviger)
• STAL KANAÑ EVIT AR VUGALE gant ÉLODIE JAFFRÉ
• STAL KANAÑ EVIT AN OADOURIEN gant DOMINIQUE GICQUEL

Graet e vo diouzh ar reolennoù a-enep ar c’hleñved-red.
Ur banne donemat a vo profet deoc’h.