Divendres 26 de julhet
15h (Amfiteatre) - Film "La Lenga Defenduda" de Nils Martin – Institut Occitan Aveyron
“Una lenga pòt morir ?” Entre 2021 e 2022 avèm menat un projècte pesuc : far un estat dels luòcs de la lenga occitana sul Segalar avaironés e questionar lo monde sus l'avenidor d'aquela lenga. Avèm desplaçat un estudiò de comuna en comuna e realizat gaireben 300 entrevistas ambe d'Occitans de lenga naturala o de lenga apresa. Vaquí çò que n'es dins aquel documentari.
16h30 (Amfiteatre) - Contes amb Edith Bouygues
Aquesta contaira, cantaira, musicaira de tria nos far tirar camin, de contes en legendas, dempuèi son Segalar natal fins ont lo vent e lo solelh la menan, nos menan, coma d'èrbas d'agram...
18h Inauguracion oficiala
18h30 (Gimnasi) - Balèti amb lo Conservatòri de musica d’Avairon
Lo Conservatòri departamental de musica e teatre de l’Avairon prepausa un balèti occitan per far dançar e bolegar lo monde !
19h30 (Exterior) - Aperò-Concèrt Amor de Luènh
Quand la bossa encontra la lenga dels trobadors, e se coloreja d’accents jazz.Trio cant, guitarra, saxofòn.
21h (Gimnasi) - Concèrt d'Enlòc
Punk Rock occitan.
22h (Gimnasi) Intermèdi Les Dayac
Duet rock de joves musicians roergats – Descobèrta e promocion de joves artistas.
22h30 CXK (Gimnasi) - Concèrt de CXK
Lo camin d’escritura del grop CXK sus aqueste dosen album debuta amb lo títol 24 de febrièr de 2022, evocant l’envasion d’Ucraïna per Russia. Aqueste violéncia exprimida a travèrs la batariá percutenta de Dimitri e lo cant en occitan de Paulin, se fa lo rebat de l’amna eslava. Lor evolucion musicala se complexifiquèt : lo Paulin explòra de novèla armonias mentre que lo Dimitri rebuta los limits de la batariá rock tradicionala.
Dissabte 27 de julhet
10h (Salas de las associacions) - Taulas Redondas :
- « Quin festival occitan per deman ? »
- « Un festival al còr de las Occitànias »
11h (Amfiteatre) - Projecion "La Sciéncia en occitan"
Collaboracion Dètz TV – Collègi Fabre de Rodés - Films de vulgarizacion scientifica creats pels collegians del collègi Fabre de Rodés dins l’encastre d’un projècte menat pel lor professor Gautièr Couffin en partenariat amb lo collectiu de cineastas Dètz TV.
14h Taulas Redondas – Seguida e conclusions
14h (Amfiteatre) - Contes amb Yves Durand
Espectacle inspirat de contes tradicionals, de racontes e legendas collectacts, de contes meravelhoses. Yves Durant mescla amorosament l’occitan al francés, s’adaptant al public e jogant amb las sonoritats, las allusions, los jòcs de mots entre las doas lengas. Capita alara lo desfís de demorar comprensible a totes los publics !
15h Jòcs (Quilhas, jòcs de fusta) (Exterior)
16h30 (Amfiteatre) - Diablògues per UTSN, Teatre
Teatre en occitan, sustitolejat en francés. La marca de Roland Dubillard, presenta dins son òbra tota, se retròba dins aquestas siès pèças : umor, emocion, suspresa. La causida d’aquestes Diablògues se faguèt per la varietat de las situacions que prepausan. Son simplas mas pauc a pauc mudadas per aqueste mescladís d’inventivitat poetica e dramatica que fa lo succès de las scenetas d’aquel autor. La traduccion occitana, dins la lenga de cada jorn, ausida pendent l’enfància, permèt a cadun, duèi, de las legir, la jogar e las botar en scèna per completar lo repertòri del teatre en occitan.
18h (Amfiteatre) - Balèti amb Duo Artense (Gimnasi)
Un duet de tria per una musica subtila e cadençada nascuda sul planòl d’Artense. Basile e Hervé capitan un desfís paradoxal : s’apropriar (de còps amb umor, umor musical qu’es als antipòdes de la derision) una musica e de melodias en tot demorar al lor servici. Es que lor apròchi es, tot simplament, fondat sus lor amor d’aquesta musica.
18h (Exterior) - Aperò-Concèrt amb Bombadissa
Sistèma Sonòr Familial, Rythme’n’tchatche – Ragga/Hip-Hop Espectacle pels pichons e familha, de 3 à 97 ans ! Un chachaire, un selectaire, un Sound System, de riddims... Bombadissa, aquò’s de cants tradicionals occitans readaptats sus de rub-a-dub, reggae-dancehall, rap, ska, breakbeat, digital... Pimentats de rondas, jòcs, desfises e danças improvisadas. Tòca : virar la plaça en pista de dancehall, per tota la familha!
21h (Gimnasi) - Terre Sorore
Un partenariat Nov’Estivada / Voix du Sud, Astaffort. Es l’aligança del catalan, del còrs, del creòl-martiniqués, del basc e de l’occitan, dins un meteis repertòri 100 % feminin a las sonoritats world music... Prèmi Voix du Sud-Fondation La Poste 2023.
22h (Gimnasi) - Intermèdi Varalh Balèti
Tchatche Reggae-Ragga. Dos tchatchaires - selectaires, de platinas, de riddims e de bassas... E de guests suspresa ! Un Ragga-Balèti a l’anciana ̈ , animat per Sil e MrBrun, al mix e al micrò, en interaccion amb lo public... En òc, en patoès o en francitan, la rima e l’esperit per faire bolegar la plaça !
22h30 (Gimnasi) - Noubalòtcha (Gimnasi)
Caminant de Tolosa a Tunís. De cançons mestissadas, poeticas e joiosas. Un viatge original de Tolosa a Tunís. Un cant de convivéncia e de lucha. Una bèla fèsta populara en occitan, arab e francés !
23h30 (Gimnasi) - DJ Transe-Òc Vinil Mix (Gimnasi)
Mix 100% Vinils Occitans. MrBrun e La Mascanha vos fan viatjar a travèrs l’abondi de produccion de vinils occitans, plan prolific dins las annadas 70 e 80 mas tanben novelament, per un mix tan planant que ludic. Venètz bolegar amb nautres, e descobrir lo nòstre patrimòni discografic !
E coma totjorn...
...lo vilatge, la taulejada, la conviviéncia !
