Concors de novèlas en occitan (e en francés tanben) fins al 6 de febrièr
Lo Lector del Val (associacion de las bibliotècas de Lauragués), organiza un concors d'escritura en occitan (e en francés), dobèrt a totes, e que comença per una frasa impausada
23 septembre 2024 - 6 février 2025Tremenet
lecteur du val
"Jamai aviá pas ausit quicòm aital. S’encaminèt cap a l’endreit d’ont veniá la musica."
Escrivètz la seguida !
Las bibliotècas del Lector del Val (associacion de bibliotècas de Lauragués / sud-èst tolosan) organizan lor XIen concors de novèlas en occitan, dobèrt a totes e a gratís, fins al 6 de febrièr de 2025.
Lo concors prepausa quatre categorias : primàri, segondàri, licèus, adults (los tèxtes collectius son permeses se fan partida de l’ensenhament d’una classa tota). Lo tèxte deu necessariament començar amb la frasa çai-sus. Lo genre demòra liure : fantastic, policièr, sciéncia-ficcion, istoric, romanèsc, aventura, etc… o pas brica de genre que siá.
Totas las variantas de la Lenga d’Òc son planvengudas, a carga pel participant de passar l’incipit dins son dialècte pròpi.
Se pòt tanben participar en francés, a partir de la frasa : "Jamais elle n’avait entendu quelque chose de semblable. Elle se dirigea vers l’endroit d’où provenait la musique."
La remesa dels prèmis se debanarà lo 24 de mai de 2025 a la mediatèca de Donevila (Donneville) e la remesa dels recuèlhs de novèlas als autors es prevista pel mes d’octobre de 2025. Un CD audiò de tèxtes occitans causits per la jurada serà fargat en mai de l’edicion del libre.
Per mai d'entresenhas o per obténer lo reglament : info@lecteurduval.org
o sus la pagina : https://www.lecteurduval.org/310-concours-nouvelles.html.
