Actor màger de la cultura bretona en Occitània, Breizh en Òc organiza lo dissabte 7 d'octobre de 2023 un fest-noz balèti amb l'objectiu d'amassar las culturas bretona e occitana.
Curiós-a o ja amator-a ? Daissatz-vos portar per aquela passejada musicala e dançarèla de Bretanha e d'Occitània. L'associacion Breizh en Òc serà urosa de vos aculhir en familha o entre amics a l'escasença de son fest-noz / balèti.
Bretanha serà representada pel grop Loened Fall, que compta mai de 25 ans de scèna e 800 fest-noz e Lo Silenci de la Flor, duò occitan al repertòri variat e a l'escota dels dançaires e de las dançairas. Lo Bagad Bro Tolosa e Boudu Noz completan lo programa per tal d'assegurar la fèsta fins tard dins la nuèch.
Novici dins los bals tradicionals ? Un estagi d'iniciacion a las danças bretonas dins l'aprèp-miègjorn vos permetrà de dintrar dins la ronda e de profechar d'aquel moment de partatge. Las papillas dels pichons e dels grands seràn pas en rèsta amb los pescajons preparats sus plaça e las begudas tipicas qu'aimam (re)descobrir !
Organizat per Breizh en Òc, en associacion amb lo Festenal Occitania (IEO31) e amb lo sosten de la vila de Cunhaus, de Nauta Garona e Breizh Difusion.

· Luòc: Sala Albert Camus – Plaça de la Republica, 31270 Cunhaus
· Oraris : Estagi d'iniciacion de 14h a 17h, balèti tre 20h
· Tarifas Bal: 10€ / 7€ ( estudiant-a-s, sens emplec, aderent-a-s Breizh en Òc, participant-a-s a l'estagi) / gratuit -12ans
· Tarifas Estagi: 10€, tarifa reducha al balèti (sus inscripcion)

Per totas informacions complementàrias, billetterie en linha e inscripcions a l'estagi :
· Web: www.breizhenoc.org/
· Mèl : contact@breizhenoc.org
· Telefòna : 07 82 69 24 26

Picatz aquí per accedir a l'eveniment Facebook