🎉 Lo 10 d'octobre, lo Centre Cultural Saint-Exupéry a Caramanh aculhís La Cramanhòla, la fèsta tradicionala annadièra dedicada al patrimòni occitan, organizada per País de Cocanha dins l'encastre del Festenal Occitania. Las festivitats començan tre 14h30 amb de talhièrs de banastariá e d’espectacles en francés e en occitan. Après una conferéncia suls lops e una pèça de teatre, lo vèspre daissarà plaça a la convivialitat a l'entorn d'un aperitiu ofèrt e d'un repais partagé. La jornada s’acabarà en beutat amb, a 20h30, un grand balèti trad amb lo grop Bouilleurs de Sons, als costats de País de Cocanha.
🪗 Aquel collectiu de musicians complices, menat pel fasedor d'instruments Pierre Rouch, fa reviure amb fervor l'autentic repertòri a dançar de Pirenèus, Gasconha e Lengadòc. Al biais dels aigardentièrs, destillan lo patrimòni oral per ne tirar una musica festiva e espurada, ritmada pels acordeons, violons, autbòis pirenencs e bodegas localas.
