Dont a ray Iwan Ar Fur da gomz gant al lennerien a-zivout e romant Kañv ha diskañv. Er romant-mañ e vezomp kaset da heul Herve Abegile a voe galvet un deiz gant un noter ha roet dezhañ ul lizher bet skrivet gant e dad-kozh. Ret mat e vo dezhañ dirouestlañ itrikoù e dad-kozh. Luzietoc’h c’hoazh an degouezh pa ra anaoudegezh gant Manuela Casals, ur glañvdiourez katalan bet o labourat en ur glinikenn gant e dad-kozh a oa medisin eno.