Teatre « Du côté de la COT »

Dins l'encastre del Festival Occitania, la Comèdia Occitana Tolzana vos convida per descobrir son espectacle Du côté de la COT a la sala de las fèstas de Bretx, a 16h.

Programa detalhat :

« L'espectacle teatral es constituït de 6 scenetas diferentas sustitoladas sus ecran.
1°) En primièr, un òme elegant vos dirà perqué setz aquí amb nosautres, dins un momenton de vida d'un estanquet del canton, extrach de la creacion futura Embolhs a La Palanca...
2°) La segonda sceneta Les moustiques, es extracha de Un camping mal campat escricha per Frédéric Cayrou. Un parelh de borgéses de Montalban fa de camping sus un puèg al-dessús de la vila. Fa nuèch als entorns de la tenda...
3°) La tresena sceneta, La cantatritz cappelada, es un pichòt extrach de la revirada de La cantatrice chauve de Eugène Ionesco. Un parelh convida un autre parelh...
4) La quatrene sceneta, Lo sorcièr e la prefèta, es extracha d'una autre peça de Frederic Cayrou, Lo sorcièr repentit. Aquí, un parelh de paisans recep un gendarma e una dòna estranha...
An aquel moment de l'espectacle, escotaretz un o dos enregistraments de cançon occitana.
5°) En cinquena, Los pastis de la gata, es un extrach de Los cagadors de l'an dos mil escrich per Jean Pierre Laguens. Aquí, Joseph a convidat sa vesina per manjar de salcissa fresca...
6°) La sieisena e darrièra sceneta, Castanha a La Palanca, es, ela tanben, extracha de la creacion futura Embolhs a La Palanca. Aquí sem al moment que ven d'arribar un accident tarabastós defòra, davant l'estanquet. La polícia enquista... »