Primaël Montgauzi e Pantxix Bidart en concèrt - Festival Occitania

Dins l'encastre del Festival Occitania, convidam Primaël Montgauzi e Pantxix Bidart per lor espectacle en occitan gascon e en basc « Elimberri ». Tot aquò a la sala Sent-Miquèl lo 21 d'octobre a 21h.

« Encontre entre dos autors-compositors-interpretes primièr, Pantxix Bidart e Primaël Montgauzi, a Astahòrt per las famosas Rencontres d'Astaffort (octobre de 2022) de l'associacion Voix du Sud creada per Francis Cabrel.
Encontre entre doas culturas sòrres e doas lengas tanben, la basca, la de Pantxix, e l'occitana dins son dialecte gascon, la de Primaël, eissidas d'aujòls comuns, los Vascons e los Aquitans.
Encotre enfin entre dos univèrs musicals e artistics.
Lo nom d'aquel espectacle, « Elimberri », es d'alhors a l'eimatge d'aquel encontre : es lo nom basco-aquitan e original de la vila gascona d'Aush, vila d'origina de Primaël, que ven remembrar qu'abans la conquista romana, Aush, e Gasconha tota, era basca.
Es tanben etimologicament, la « vila nòva », lo « vilatge novèl », a l'eimatge de çò que los artistasa sonan de lor vòt e de lor votz : una nòva societat, mai dobèrta e aculhenta a la diversitat, al respecte e a la proteccion de las culturas e de la natura. »