Fèsta de la Martror - Festival Occitania

Dins l'encastre del Festival Occitania, vos convidam a festejar la Martror a Pinçaguèl, fèsta dels mòrts e rituals de la Totsans en Occitania. La Roulotte de la Grande Famille, Los Pescofis de Pinsaguèl e la comuna de Pinsaguèl vos prepausan d'activitats tot al long de la jornada.

Lo programa per aquela jornada festiva a Pinsaguèl es lo seguent. Ne sortiretz vius ???

L'associacion La Roulotte de La Grande Famille prepausa de 14o30/16o un rencontre dels ALSH amb las membras del grop Salvatjonas per una iniciacion als cants e danças occitanas, e a 21o un bal amb lo duò Salvatjonas (entrada : 5€). Estanquet e pichona restauracion sus plaça.

De 14o a 16o : Lo mistèri comença amb lo teatre d'improvizacion animat per l'associacion Azag.
De 17o a 20o : Los joves del CIJ s'installan dins lo pati de l'ostal de comuna amb lors estands de jòcs pels dròlles e lors « coctèls orrifics ».

Animacions pels Pescofis de Pinsaguèl.
Lo cercle occitan Los Pescofis de Pinsaguel festejarà la fèsta dels Defunts e lo cambiament de sason tras l'expausicion de tèxtes, citacions, poemas e de danças tradicionalas occitanas.