Serada Gascona - Festival Occitania

Dins l'encastre del Festenal Occitania organizam a la sala de la Gravette de Sent-Lis una serada a tematica gascona. Vos prepausam doncas l'espectacle "Còrnamusas occitanas peus nuls" de Joan-Miquèu Espinasse, per n'apréner mai sus l'instrument, son istòria e sas legendas. Puèi, poirètz profiechar del grope Adi'Jazz per un concèrt de swing gascon de tria !

Programa detalhat :
• 18h : conferéncia Còrnamusas occitanas peus nuls per Joan-Miquèu Espinasse
• 21h : concèrt amb Adi'Jazz (Swing Gascon)
• Estanquet e restauracion sus plaça assegurats pel País de Catinon

"Còrnamusas occitanas peus nuls" per Joan-Miquèu Espinasse

En francés, mès francés qui pud a l’occitan a plen nas, ou en occitan de Gasconha, contes o istoèras qui hèn víver los musicaires. Atencion, musicaires populars occitans, rotinièrs e jogaires de bals, mès pas sonque... Deus mites fondators universaus on lo Pan n’a pas lo ròtle bèth, on l’Appolon n’ei pas lo mei lusent, mès mites que las musicas de uei respiran enqüèra.
I avèva un còp lops, lo Diable e la musica.

Adi'Jazz

Adi’Jazz que jòga un jazz tradicionau entrainant declinat en gascon. Los musicians que vòlen partatjar las lors valors : amistat, alegria, un bon repaish, lo vèrbe haut e la musica beròja. Las composicions que son d'Armstrong, Ellington, Django e autas. Las paraulas en gascon que son escriutas o tradusidas per Jean-Claude Ulian e Jean-Pierre Curdi, defensors de la lenga. Swing, impro e bona umor que son tostemps au rendètz-vos.

Entrada 10€

En partenariat amb lo País de Catinon