Otxo a la Topina - Festival Occitania

A l'escasença del Festival Occitania, lo duò Otxo tòrna jogar al restaurant cultural La Topina de Tolosa, 3 ans mai tard.

« Lo duò Otxo es un terren de jòc onte s'opera la fusion de doas personalitats musicalas a l'encòp fòrça semblablas e diferentas. Maider e Lolita son totas doas d'amorosas de la musica tradicionala e populara.
Cantairas, accordeonistas, percussionnistas e bufairas, lor musica ten mantunas caras : s'agís d'un mescladís de lors tradicions d'origina (musica basca, musica occitana), de la musica de lors tèrras de manlèus respectivas (musica quebequesa, musica galiciana, musica brasilenca) ; mas egalament de compausicions originalas, onte s'i retròba lor amor de la melodia e de l'armonia.
Otxo es un duò plen de sensibilitat, d'umour, d'energie, e de riquesa sonòra e culturala. »