Concors de novèlas en occitan (e en francés tanben), fins al 9 de febrièr de 2023

Lo Lector del Val (associacion de las bibliotècas de Lauragués), organiza un concors d'escritura en occitan, dobèrt a totes, e que comença per una frasa impausada

Lector del Val

"Se remembra quand arribèt al vilatge, qu’aviá tant de vam et de projèctes... Qu’es aquò que se’n virèt mal ?"
Escrivètz la seguida !

Las bibliotècas del Lector del Val (associacion de bibliotècas de Lauragués / sud-èst tolosan) organizan lor Xen concors de novèlas en occitan, dobèrt a totes e a gratís, fins al 9 de febrièr de 2023.

Lo concors prepausa quatre categorias : primàri, segondàri, licèus, adults (los tèxtes collectius son permés se fan partida de l’ensenhament d’una classa tota). Lo tèxt deu necessariament començar amb la frasa çai-sus. Lo genre demòra liure : fantastic, policièr, sciéncia-ficcion, istoric, romanèsc, aventura, etc… o pas brica de genre que siá.
Totas las variantas de la Lenga d’Òc son planvengudas, a carga pel participant de passar l’incipit dins son dialècte pròpi.
Se pòt tanben participar en francés, a partir de la frasa : "Elle se rappelle son arrivée au village, pleine d’enthousiasme et de projets... Qu’est-ce qui a bien pu dérailler ?"

La remesa dels prèmis se debanarà lo 3 de junh de 2023 a la bibliotèca de Labastide-Beauvoir e la remesa dels recuèlhs de novèlas als autors es prevista pel mes d’octobre de 2023. Un CD audiò de tèxtes occitans causits per la jurada serà fargat en mai de l’edicion del libre.

Per mai d'entresenhas o per obténer lo reglament : info@lecteurduval.org
o sus la pagina : https://www.lecteurduval.org/310-concours-nouvelles.html, ont se fa tanben l’inscripcion en linha.

escritura, novèla, occitan, tèxte cort

A propos du lieu

Contacter les administrateurs