Rescòntres Occitans de Provença

Lei RESCÒNTRES OCCITANS se debanaràn dau dimenge 28 de julhet (acuelh partent de 19h) au dimenge 04 d’avost (14h) au Centre de Vacances « Le Kaly » - 05260 Sant Michèu de Chalhòu.
Lo monde se l’i pòu marcar siegue per la setmana completa siegue per lo promier sejorn ò lo segond.
● 1er sejorn : diluns 29 (10h) au dimècres 31 de julhet (17h30).
● 2nd sejorn : dijòus 01 d’avost (14h) au dimenge 04 (14h)

Lo programa e lei condicions van seguir dins gaire
-----------------------------------------------------------------------------------------------
Lei Rescòntres Occitans en Provença son duberts en totei… pichons e grands, occitanofònes ò non, natius dau país d'òc ò non… simples curiós d'una lenga e d’una cultura desconoissudas ò saberuts de la question occitana; actors associatius urós de se rescontrar, d’escambiar, de confrontar, de comparar sei biais de faire, de l’i trobar l’envam e l’estrambòrd que lei sostendràn puei tot de lòng de l’annada dins son accion… benevòles ò professionaus; particulars que se vòlon faire plaser dins un luec de convivialitat occitana…

Lei Rescòntres se vòlon : un luec de pratica volontarista de la lenga, d'ajuda a la formacion, de descubèrta de la cultura occitana dins tota sa diversitat… un luec de reflexion, d'escambis, de mesa en comun d'experiéncias e d'informacions, de projèctes, d'espèrs… un luec de rescòntre e de convivialitat.