S’avètz mancat las activitats d’estiu a l’entorn del Coronèl Teyssier, vos prepausam una ceselha de ratrapatge per conéisser (gaireben) tot del defensor de la Ciutadèla de Bitche lo dissabte 4 de setembre a 16 oras al Centre Occitan Ròcaguda. Aquela visita serà comentada per E. Barta, president del CCOA, e JC Planés, del militarial de Boissozon, que prestèt aimablament d’objèctes ajent apertengut al coronèl.
Quèpi, sabre, baioneta, fòtos de familha e documents divèrses embelisson ara la mòstra del CCOA «Teyssier, lo Coronèl erudit occitan».
Lo Coronèl Teyssièr festegèt sos 200 ans aqueste 25 d’agost e es a aquela escasença que tres associacions, lo CCOA, l’Association Colonel Teyssier e la SSABLT amb l’ajuda e lo sosten de la Comuna d’Albi, inaugurèron una placa commemorativa sus la façada de
l’ostal ont visquèt amb sa familha, al 76 de l’avenguda del Colonel Teyssier.
Per perlongar aquela commemoracion, vos esperam al COR fins al 9 de setembre per (tornar) descobrir aquela mòstra, e, per que pas, cabussar, en francés o en occitan, dins los contes del coronèl albigés.

______________________________

Si vous avez manqué les activités d’été autour du colonel Teyssier, nous vous proposons une séance de rattrapage pour connaître tout (ou presque) du célébre défenseur de la Citadelle de Bitche le samedi 4 septembre à 16h au Centre Occitan Rochegude. Cette visite sera commentée par E. Barthe, président du CCOA, et JC Planés, du militarial de Boissozon, qui a aimablement prêté des objets ayant appartenu au colonel.
Képi, sabre, baïonnette, photos de famille et divers documents agrémentent désormais l’exposition du CCOA «Teyssier, lo Coronèl erudit occitan».
Le Colonel Teyssièr a fêté ses 200 ans ce 25 août 2021 et c’est à cette occasion que trois associations, le CCOA, l’Association Colonel Teyssier et la SSABLT avec l’aide et le soutien de la Mairie d’Albi, ont inauguré une plaque commémorative sur la façade de la maison où il vécu avec sa famille, au 76 de l’avenue du Colonel Teyssier.
Pour prolonger cette commémoration, nous vous attendons au COR jusqu’au 9 septembre pour (re)découvrir cette exposition, et, pourquoi pas, plonger, en français ou en occitan, dans les contes du colonel albigeois.

______________________________

Centre Occitan Rochegude – 28 rue Rochegude – 15h/18h du lundi au vendredi